1-9-99 今日係開學o既大日子，我好開心呀！因為班主任係一個好好人、好開明、好靚o既姚老師，我好鍾意佢o架！而且，我做o左班長呀!!好開心呀~~! |
2-9-99 第二日做班長，仲未習慣，寫Class Record果陣仲寫錯o左o添呀，不過為o左4B同埋姚老師仲有成班同學，我會努力o架~！ |
3-9-99 第三日做班長，開始習慣，好開心呀~!! |
4-9-99 今日同Da Lin、阿瓜同埋Zi Zi去旺角買書同埋行街，買o左一個袋、一D文具同埋一張靚靚貼紙，仲影o左貼紙相同埋咭添呀！係喇，大家想唔想我將自己o既貼紙相放上o黎呢？答我呀~！ |
5-9-99 總括而言，可愛人有4件開心事： |
6-9-99 今日同魚魚、Oyan、Bella同埋Da Lin食lunch順便行o下街，我仲買o左一件粉紅色o既外套添呀~!! |
7-9-99 今日同魚魚、Oyan、阿瓜同埋Da Lin食完lunch之後就陪Oyan去Guidance Prefect o既interview，之後一齊搭地鐵番屋企，我o地傾o左好多偈呀，我覺得兩個人一齊好開心呀，尤其係同Oyan一齊呀~我同佢愈來愈friend啦，極開心~!!! |
10-9-99 好多日無寫日誌啦~其實近排可愛人好唔開心，今日成班friends一齊番學、食飯以至放學都唔太開心，我覺得自己成日隱藏自己o既唔開心，好唔舒服呀~~ |
11-9-99 今日超級開心呀！我同Oyan，瓜瓜同埋魚魚首先番o左學校，跟住再去商務買o野，然後又去德福買o野，我o地仲入機舖添呀，我係第一次咋，我同Oyan玩o左一次划艇機之後就俾人踢o左出o黎喇，可能我o地個樣太細啦。划艇機真係好好玩呀，笑到我肚痛呀，D男仔玩機真係好勁呀~~!! |
12-9-99 呢個weekend好多功課做呀~~ |
13-9-99 今朝可愛人好緊張呀~~R.E.既worksheet未做(因為身為科長既瓜瓜唔記得寫家課冊提我地，所以可愛人無帶Bible番屋企囉~哈哈，講笑咋，瓜瓜千祈唔好嬲呀)、Teach&Test無prepare passage 4、Speech Festival張form未填、放學要interview中文學會但係無prepare過！好彩~！好彩可愛人好彩~!!全部都安然渡過呀~~!! |
15-9-99 我雖然係white
house，但係身為黃社sports captaino既Na pheen叫我幫黃社整banner，我當然應承啦~!仲有，Oyan今日作o左一首詩： |
16-9-99 十號風球呀!十六年o黎第一個十號風球呀~~! |
17-9-99 今日係學校既opening mass，好輕鬆呀！放學我同佢o地(Da Lin除外)食完lunch之後就同Oyan去cheering team度玩o下，去o下Yellow House又去o下Blue House，點解我唔去自己o既White House呢?係因為Yellow同Blue果度我有多d friends嘛，而且White House又無叫我幫手~!!好開心好好玩呀~!!我聽日都可能會番去！ P.S. 可愛人interview中文學會o既美術成功o左！所以而家我係Class Prefect、Peer Tutor同埋中文學會o既美術啦~!! |
18-9-99 今日我番o左學校幫White House手呀！佢o地琴晚搵我呀~!!不過我幫幫下又去o左Yellow House同埋Blue House度玩，而且我今日番去係為o左等Oyan佢o地o架嘛！我同Oyan、瓜瓜、ZiZi同埋魚魚之後去o左買書呀！Cheering Team士氣高昂，好感動呀~!!而且見到Mandy、Na pheen佢o地咁落力，真係有衝動一齊大嗌呀~!! W--White |
23-9-99 今日Swimming Gala呀，可以見到自己鍾意o既人真係幾開心，不過好遠呀！之後我同佢地全部人一齊去睇《鬼眼》，真係好好睇，好驚又好感動！我o地分開兩行坐，仲坐得好遠o添~ 我同Oyan、Bella同埋Dalin一行；瓜瓜、魚魚、ZiZi同埋Jovin一行~ 大家睇完之後都好多感想呀~ 瓜瓜同魚魚仲好驚o添呀！其實我睇果陣都好驚，所以不斷食爆谷同埋飲水！真係好好睇呀~~!! |
29-9-99 可愛人今日超級唔開心呀，唔開心到極點呀！無咩事係exactly令我唔開心，只係好多唔如意o既事發生o係自己身上囉~ 我lunch果時喊呀，嚇死瓜瓜、小魚同埋Dalin呀！今日我啦、藍梅妹啦、瓜瓜同埋魚魚都唔開心呀！不過今日收到好多好多張紙仔呀，又有糖，都幾開心~ ~ |
30-9-99 可愛人今日好開心呀！由朝頭早同藍梅妹佢地一齊番學(好多謝瓜瓜同魚魚俾左個surprise我~)，到放學一齊去根本無開既圖書館，都好開心~！有人話我係一個一時超級唔開心，一時超級開心既人，我都覺得係！我今日一D唔開心都無！Hehe~~ |