5- 9-00

開左學幾日~ 但係都好似仲係放緊假咁~ 非常懶散~ 不過我相信好快就會醒番~ 因為差唔多個個老師都同我地講關於會考既事宜~ 今日同Jovan睇《人妖打排球》,好好笑呀~

10- 9-00

我真係好懶~ 呢幾日早放我都去左唱K...好玩但係已經有少少悶喇...

6-10-00

我仲諗住開學之後乖乖地溫書做功課...點知都係改唔到上網呢個習慣~ 又不停諗住呢個網呢~ 好唔捨得~ 但係我知道自己遲早都會後悔(咁貪玩),但係~ 我都有溫下書架~ 不過係有 test 先溫囉~~嘻嘻!!

12-10-00

我果班又玩Secret Angel喇~ 好開心~ 雖然係由F.3玩到而家,但係一D都唔厭~ ^o^~ 我琴日病左呀~ 第一次sick leave呀!當時好緊張呢~~嘻嘻~ 不過,好慘呀......要食藥呀!!

13-10-00

嘩~ 我今日有d咳~但係PE堂玩得好癲呀~可能因為F.5比較free,我地唔認真都無俾人鬧~ 我同做子、薇子、莉子、阿豆、媽子、小琦同埋阿荍,自4B集訓camp之後,又癲喇!! 我地玩左「上下其手」、「波check」、「向巴士上層的乘客say hi」、「濕身遊戲」、「拖住手勁跑勁跑」......玩到成身濕晒~~ ((( 超~~開~心~呀~~~~)))

5-11-00

呢幾日超級開心呀~~ !! 11月3日我同 ☆笨星聯盟☆ 既笨星荍、笨星蛋、笨星怡同埋阿LUM去左 BERLIN IN HONG KONG 呀~好多新奇既展品同埋表演~~ 開心死~ 我地仲買埋飛睇《2001: 香港漫遊》添呀~ 到時又可以再癲過~ !! 今日呢,我同做子同埋吉米去左花墟大球場"明愛賣物會"做義工~~好多野玩~ 吉米好勁呀~撈到金魚~! 仲好好人呀~ 我話想要佢就送左俾我喇~! 我仲得到粉紅色側揹袋同埋好大隻既粉紅色毛毛狗添呀~~ 仲有用$ 1 買番黎既相簿!!! 好開心呀~!!!!