2- 8- 00

由於上星期我同阿薇去街時將個英文補習file放左係佢個袋度唔記得拎番，所以今日又去街囉~ 嘻嘻!! 我地一早就去左打機~ 原來朝早打機平咁多架! 可惜我地唔夠早啦~ 後來燦小子都黎左一齊打~ 哈哈~ 之後我地去左唱K~ 終於唱到《告訴我》喇~*0*~ 我地三個超興奮~!! 然後呢~ 我地去買衫囉~ 哈哈~~~ 好開心唷!!!!~~~

5- 8 -00

今日去左圖書館，本來係陪姐姐還書，但係最後都托佢幫我借左3本書~ 再加埋自己借果5本，而家張書檯上面一共有8本圖書館既書~ 我相信我唔會睇得晒囉! ...我呢排成日去圖書館，2個禮拜之後，一定會搞亂晒d 還書日期喇>.<~!!

8- 8- 00

今朝好開心~同Zizi一齊打羽毛球呀~ 不過我呢...傻左...明明約左10點3見，我潛意識以為10點3出門口喎! 直至10點鐘聽到林海鋒話：「10點!」我先醒覺咋~! 不過都遲左成半個鐘~ Zizi等到「偶」晒呀~ 之後一齊食lunch~ 買野~(包括書、毛公仔鎖匙扣同埋紙仔)~ ^w^

9- 8 -00

呢幾日都無做過功課~ 部電腦有d 問題~ 想加多一part~ 係咩? 唔話你知住! 嘻嘻!!~~

呢幾日不斷搞新野~ 好開心~ 整左一個新專欄~ ^w^~ 不過都幾辛苦~ 部電腦有事...成日都好驚無啦啦咩都無晒~! 而且好憎upload...好煩! 但係見到個網頁出左黎又好有滿足感...嘻嘻!!

14- 8 -00

今日同大娜娜同埋晴晴去睇《夏日的麼麼茶》~ 好鍾意~!! 之後同大娜娜2個周圍行 + 去M記傾偈，好有老朋友聚舊既感覺~!!

17- 8- 00

今日去完英文course之後，同大娜娜去唱K~ 不過...有人遲到...所以只係唱左2個鐘~ 不過都好開心~ 因為之後去左打機、行街同埋飲野~ 本來諗住海旁傾偈~ 但係又約左人~ 大娜娜好好~ 陪埋我去~ 嘻嘻~!! 可惜~ 整損左隻手指~ 無膠布~ 好慘!!

21- 8 -00

琴日幫一個朋友賣舊書、pastpaper，都幾成功，哈哈~ 仲有呢，前排我曾經迷戀過男仔，但係琴晚忽然好掛住一個女仔，我諗我又鍾意番女仔喇...琴晚為左幫人賣書，要打電話俾男仔，唔知點解我又再次好怕同男仔講電話，要人陪我一齊打先至無咁緊張~ Hehe~