８-７-00

我今日去o左LTC o既 orientation day~ 識o左好多新朋友！好好玩！之後去o左打機~ 都好開心！^w^

15-７-00

12-14/7 我去o左camp呀，識o左好多人!! 琴日唱埋K 先番屋企，好開心!!!

16-７-00

13 號果日跳完兔仔跳之後，對腳痛到今日都未痛完...好慘呀...搞到我呢幾日都唔出得街~ o係屋企不停上網、玩icq、聽歌......聽聞 Teach & Test 間公司執o左喎，唔知係咪真o既呢? 咁...我o地咪做少好多功課? ^o^ 呵呵~!

19-７-00

聽日又去camp喇~~ 聽日去果個係班會既camp~ 好緊張呀~ 咩都未執~~ 之前係LTC 入面識左好多朋友~ 我地又搞緊另一個camp啦~~ 其實都幾驚，又未做功課，CE又黎緊...

成日落雨，點玩呀?

25-７-00

今日同大娜娜行街街，買左好多野，一共係4件衫、1個袋、1本日本雜誌同埋1支者喱噴霧...夜晚就同阿薇、燦小子、做子同埋勞sir去睇"Music Vibration"~ 好鍾意果個又唱得男聲又唱得女聲既男仔! 好犀利呀!! 佢唱女仔果時完全聽唔出係扮出黎既，而且好高音都去到~~ 好正~~ 更加正既係 EASON~~ hehe~~ 佢再唱" 黑夜不再來" 果時全場靜晒...好震撼~~

26-７-00

今朝一早就去左賣旗~ 紅十字會架~ 好累呀~~

28-７-00

今日去左圖書館，借左三本書，其中一本叫做《中大愛的故事》，好正!! 「或許曾經有一刻，彼此都在真摰地等待著對方...」哈哈!!! 其實以前睇過《大學女生日記》，地點都係中大，已經好憧憬中大生活，但係我都係鍾意外國多D，可能會仲好呢!!~