Make your own free website on Tripod.com

校車~!! bubu~~

我小學係坐校車返學o架~! 讀第一間果時搭o既係校巴,但係到o左第二間,就無又大又熱鬧、有空調又有窗簾o既校巴搭lu~ 只有一架夏天時好似焗爐、又逼又唔舒服o既褓姆車咋~! 不過,同車有好多同學,而且有好多遊戲玩,好開心,比大巴更開心~ 因為大巴有一個嬸嬸看車,佢唔俾我o地大聲笑、玩同埋食o野o架!而且有時有老師搭順風車,所以一D都唔free o架! 不過,無論坐褓姆車抑或大巴,都可以識到周圍o既人,雖然有時有嗌交,但係每次諗番起,都好開心呀~~!!

「我o地玩煮o野食,好唔好?」

頭先講過啦,大巴有一個嬸嬸看車,佢唔俾我o地大聲笑、玩同埋食o野嘛~ 所以,我o地呢 D 頑皮兼反叛o既學生,就會絞盡腦汁諗計偷食~!! 我同我個好朋友,小息/放學會買定一包二包o既零食~ 然後,o係架車上面扮玩煮野食...「媽咪,我想要少少飯!」「(遞D 真糖俾我) !」「唔該~」(扮「扮食」,實際上係真食......) D嬸嬸完全發現唔到o架! Heehee~~~

「唔好睇呀~!!」

以前坐大巴,好多人同你玩,都無咩時間睇風景...到o左褓姆車...有時都會有時間睇下~ 有一次...我(哎呀...諗起都好驚喇 ......毛骨悚然呀...) erm...有時間再打啦......

「小皮球,香蕉油......」

褓姆車時期先至有玩呢 D 咁得意o既o野咋~ 我仲記得o既遊戲有「Hello Kitty 答錯線」、「007入子彈」、「木頭公仔唔准郁」、「麻芝菇」、「小明」(最經典)、「時間、人物、地點」、「黑白」、「十五二十」(比較大人)、「超級無敵馬拉松」、「東南西北」(摺紙遊戲)...無喇!! 有o既記得留個message話我知呀~~~

BACK